Lankatruth

A+ A A-

විදෙස් පුවත්

වසර 22 ක කාලයක් අඛණ්ඩව බලයේ සිටි ගැම්බියාවේ හිටපු ජනපති යහ්යා ජම්මෙහ් පැවති ජනාධිපතිවරණයෙන් පරාජයට පත්වුවද බලය අත්නොහැර සිටීමට උත්සාහ දැරුවද එය සාර්ථක නොවීම මත නව නායකයාට අවස්ථාව ලබාදෙමින් රටින් පලාගොස් ඇතැයි විදේස් වාර්තා සඳහන් කරයි.

ජනාධිපතිවරණයෙන් පරාජයට පත්වුවද බලය අත්නොහැර සිටි පසුබිමක කලාපයේ නායකයන් රැසක් හිටපු ජනපතිවරයාට බලය අත්හරින ලෙස ඉල්ලීම් කළද ඔහු සිය ජනාධිපති බලතල ප්‍රයෝජනයට ගෙන එරට පාර්ලිමේන්තුවටද අභියෝග කර තිබුණි.

මේ තත්ත්වය තුළ අලස්වැසි රාජ්‍යයන්, දේශසීමා වෙත තම හමුදා පිටත්කර හරිමින් හමුදාමය බලය යොදා පරාජයට පත්වූ හිටපු ජනාධිපතිවරයාව බලයෙන් පහ කිරීමට පසුගිය දින කිහිපය තුළ සූදානම් වූ අතර අවසානයේදී බලය අත්හැරීමට තීරණය කරමින් පරාජය ලද ජනාධිපති ගිනියාව වෙත පළාගොස් තිබේ.

පසුගිය දෙසැම්බර් මාසයේ පැවති ජනාධිපතිවරණයෙන් ජම්මෙහ් ඔහුගේ ප්‍රතිවිරුද්ධ අපේක්ෂක අඩමා බැරොව් ඉදිරියේ පරාජයට පත්වුවත් මැතිවරණ ප්‍රතිඵලයට අභියෝග කරමින් බලය අත්හැරීම ඔහු ප්‍රතික්ෂේප කොට තිබිණ. 

කෙසේ වෙතත් අවසානයේදී බැරොව් සෙනගාලය වෙත පැමිණ එරට පිහිටි ගැම්බියා තානාපති කාර්යාලයේදී ගැම්බියාවේ නව ජනාධිපතිවරයා ලෙස ඔහු දිවුරුම් දී තිබෙන අතර බලය අත්හැරීමට තීරණය කරමින් යහ්යා ජම්මෙහ් ගිනියාව වෙත පැන ගොස් ඇති බව විදෙස් මාධ්‍ය වාර්තා කරයි.

_93734581_gettyimages-632319202_93734583_gettyimages-63231804069528efd7721f1622d212195cebc29f257bf1894bf71f8481d1550283e55c06b_387532841284565841ce7a76c857a5889d7bac2302afa76fd93107fb88f727b78424024_3875334a7a703ad66d6c1156b5010369c62850876830608215b092549f6c4b02f44f3a7_3875329

Read more...

ලෝක ජනගහනයෙන්  බිලියන 3.6 ක් වන දිළිඳු ජනගහනයේ වත්කම්වලට වැඩි ධනයක් ලොව ඉහළම ධනවතුන් අට දෙනා සතුව පවතින බව නවතම සමීක්ෂණ වාර්තාවකින් හෙළිව තිබේ.

ඔක්ස්ෆෑම් ඉන්ටර්නැෂනල් හි නවතම සමීක්ෂණ වාර්තාවකින් මේ තොරතුරු හෙළිදරව් කර තිබෙන අතර  ලොව ධනවත්ම පුද්ගලයින් අට දෙනා සතුව ඇමෙරිකානු ඩොලර් බිලියන 426ක් වන බවත් ලොව දිළිඳුම ජනගහනය වන බිලියන 3.6ක් වන ජනතාවගේ වත්කම් ඊට වඩා අඩු බවත් එහි දක්වා තිබේ.

ලොව ධනවතුන්ගේ ලැයිස්තුවේ ඉදිරියෙන් සිටින බිල්ගේට්ස්, වොරන් බුෆේ්, කාර්ලෝස් ස්ලිම්, ජෙෆ් බෙසෝස්, මාර්ක් සකර්බර්ග්, ඇමැන්සියෝ ඕටෙගා, ලැරී එලිසන් සහ මයිකල් බ්ලූම්බර්ග් යන අට දෙනාය.

ධනවාදය කෙතරම් දියුණු වුවත් මේ වනවිට ලොව පුරා ඇති නැති පරතරය මෙන්ම මුලික මිනිස් අයිතිවාසිකම් අහිමි වන ජනගහනය සීඝ්‍රයෙන් ඉහළ යමින් පවතින බව වාර්තා වේ. ආසියානු හා අප්‍රිකා මහද්වීපය තුළ දිළිඳු ජනගහනය බොහෝ සෙයින් ඉහළ ගොස් ඇති අතර දිළිඳු ජනතාව අතර ලෙඩ රෝග ව්‍යාප්තිය, සාක්ෂරතාවය අඩුවීම මෙන්ම මන්ද පෝෂණය වැඩි වෙමින් පවතින බව හෙළිව තිබේ.

මෙම තත්වය  වෙනස් කිරීම සඳහා ලෝක බලවතුන් මෙන්ම ධනවතුන් තමන් සූරාකනු ලැබූ ජනතා දේපල යෙදවීම කෙරෙහි කිසිදු අවධානයක් යොමු නොකර සිටින අතර තවදුරටත් ඔවුන් ධනය ඒකරාශී කර ගැනීමේ උත්සාහයක නිරත වෙමින් සිටී.

Read more...

ලෝක ප්‍රකට දකුණු කොරියාවේ සැම්සුන්ග් සමාගමේ අධිපති ලී කුන් හී මහතා අත්අඩංගුවට පත්ව ඇතැයි විදෙස් පුවත් සේවා පවසයි.

අල්ලස් සිද්ධියක් සම්බන්ධයෙන් ඔහු අත්අඩංගුවට ගෙන ඇති අතර ඔහු දකුණු කොරියාවේ විශ්‍රාම වැටුප් අරමුදලින් කොටසක් සැම්සුන්ග් සමාගමේ ආයෝජනය කිරීමට නීතියක් අනුමත කර ගැනීම සඳහා එරට ජනපති පාර්ක් ග්වේන් හුයි මහතාගේ සමීපතමයකුට ඩොලර් මිලියන 36කට ආසන්න මුදලක් අල්ලස් ලෙස ලබාදී ඇතැයි වාර්තාවේ. 

මේ සම්බන්ධයෙන් දකුණු කොරියා පොලිසිය ඔහුගෙන් පැය ගණනාවක් පුරා ප්‍රශ්න කිරීම් සිදුකර ඇතැයි විදෙස් වාර්තා සඳහන් කරයි.

Image result for samsung chief arrested

Read more...

තුර්කි ගුවන් සේවාවට අයත් බෝයිං 747 වර්ගයේ භාණ්ඩ ප්‍රවාහන ගුවන් යානයක් කිර්ගිස්ථානයේදී අනතුරට ලක්වීමෙන් පුද්ගලයින් 16 කු මේ වනවිට ජීවිතක්ෂයට පත්ව ඇති බව වාර්තා වේ.

ගුවන් යානය කිර්ගිස්ථානයේ අගනුවර පිහිටි මෙනාස් ගුවන් තොටුපල වෙත ගොඩබැස්වීමට සූදානම් වන විට අසල පිහිටි නිවාස පෙළක් මතට කඩාවැටී ඇති බව පැවසෙන අතර ජීවිතක්ෂයට පත්වූවන් ගණන තවත් ඉහළ යා හැකි බව පැවසේ.

ගුවන් යානය කඩාවැටීමෙන් හටගත් ගින්න ගිනි නිවීමේ භටකණ්ඩායම් විසින් නිවා දැමීමට සමත්ව ඇති අතර යානවා කඩා වැටීමට හේතුව මෙතෙක් අනාවරණය වී නැහැ.

Turkish Airlines aircrafts at Ataturk International Airport covered in snow, in Istanbul, Tuesday, 10 January 2017.Map

Read more...

තුර්කි ජනාධිපතිවරයාගේ බලතල වැඩිකරමින් ගෙන ඒමට යෝජිත ව්‍යවස්ථා සංශෝධනය සඳහා විපක්ෂයේ විරෝධතා මැද පාර්ලිමේන්තුවේ අනුමැතිය හිමිව ඇති බව වාර්තා වේ.

ව්‍යවස්ථා සංශෝධනය අනුව තුර්කි ජනාධිපති තායිප් එර්දෝගන්ට 2029 දක්වා බලයේ සිටිමටත්, ඇමතිවරුන් පත් කිරීම හා ඉවත් කිරීමේ බලයත්, පාලක පක්ෂයේ නායකත්වයත් හිමිවන බව පැවැසේ.  ව්‍යවස්ථා සංශෝධනයට පක්ෂව එරට පාර්ලිමේන්තුවේ මන්ත්‍රීවරුන් 330ක ගේ  සහාය ලබා ගැනීම අනිවාර්ය අතර ඊට පක්ෂව පාර්ලිමේන්තුවේ මන්ත්‍රීවරුන් 340කට වැඩි පිරිසගේ සහාය හිමිව තිබේ.

ව්‍යවස්ථා සංශෝධනයට විරෝධය පළ කරමින් විපක්ෂය චෝදනා කරන්නේ තුර්කි ජනාධිපති තායිප් එර්දෝගන්ට ඒකාධිපතීත්වයක් කරා ගමන් කිරීමට අවශ්‍ය වටපිටාව මෙම ව්‍යවස්ථා සංශෝධනය හරහා සිදු කරගැනීමේ උත්සාහයක නිරත වන බවයි. පාර්ලිමේන්තුවේ ඡන්දය විමසන අවස්ථාවේදී ආණ්ඩුවේ මන්ත්‍රීවරුන් හා විපක්ෂයේ මන්ත්‍රීවරුන් අතර ගැටුමක්ද සිදුව තිබේ. 

පාර්ලිමේන්තුවේ අනුමැතිය හිමි වීමත් සමග ව්‍යස්ථා සංශෝධනයට ජනතාවගේ අනුමැතිය ලබා ගැනීම සඳහා ජනමත විමසුමකට යොමු කිරීමට නියමිතය බව පැවසේ. Hürriyet Photo

Read more...

ඉන්ධන හා විදුලියෙන් ධාවනය වන දෙමුහුන් වර්ගයේ විශාල ප්‍රමාණයේ දුම්රියක් අත්හදා බැලීම සාර්ථකව සිදු කිරීමට චීනය ඊයේ (12) සමත්ව තිබේ.

විවිධ දේශගුණික තත්වයන්ට ඔරොත්තු දෙන ආකාරයෙන් නිර්මාණය කර ඇති එම දුම්රිය සෙන්ටිග්‍රේඩ් අංශක සෘණ 40ක කලගුණික තත්වයක් යටතේ සාර්ථකව මොංගෝලියානු කලාපය හරහා ධාවනය කර තිබේ. මෙම නවතම හයිබ්‍රිඩ් දුම්රිය පැයට කිලෝමීටර් 120ත් 160ත් අතර වේගයෙන් ධාවනය කිරීමට හැකියාව පවතින බවත්  කාර්යක්ෂමතාවය හා පරිසරය සුරකින් මෙම හයිබ්‍රිඩ් දුම්රිය සඳහා මේ වනවිට ලොවපුරා ඉල්ලීම් රැසක් ලැබී ඇතැයි පැවසේ. 

මීට මාස කිහිපයකට පෙර මෙම හයිබ්‍රිඩ් දුම්රිය අධික වියළි කාලගුණ තත්වයක් යටතේද සාර්ථකව අත්හදා බැලීමට චීනය කටයුතු කර තිබේ. ඉදිරියේදී මෙවැනි දෙමුහුන්  අධිවේගී දුම්රියයන් ධාවනයට එකතු කිරීමට චීනය සූදානම් බව පැවසේ. 

First hybrid train on track for testing

Read more...

Image result for ට්‍රම්ප්තවත් දින කිහිපයකින් ඇමෙරිකානු 45 වැනි ජනාධිපතිවරයා ලෙස වැඩ භාර ගැනීමට නියමිත ඩොනල්ඩ් ට්‍රම්ප් විසින් ඇමෙරිකානු බුද්ධි අංශ විවේචනය කරමින් ප්‍රබල ප්‍රහාරයක් එල්ල කර තිබේ. මාධ්‍ය අමතමින් ඔහු පවසා ඇත්තේ  ඇමෙරිකානු බුද්ධි අංශ ජර්මන් නාසිවාදීන්ට සමාන බවයි.

වැඩිදුරටත් අදහස් දක්වමින් ට්‍රම්ප් ප්‍රකාශකර ඇත්තේ  මේ නිසා මම දැඩි කනස්සල්ලට පත්වුණා. බුද්ධි අංශ වැරැදි පුවත් පළවීමට ඉඩ ප්‍රස්ථාව දීලා. එය ඉතාමත් කනගාටුදයකයි. මෙවැනි දේවල්වලින් ජර්මනියේ නාසිවාදීන් කරපු දේවල් මතක් කරනවා. යනුවෙනි.

ඇමෙරිකානු බුද්ධි අංශ සිදුකළ ප්‍රකාශයකින් මේ වනවිට ඇමෙරිකාව තුළ කිසියම් කැළඹීමක් ඇති කිරීමට සමත්ව ඇති බව පැවසේ. බුද්ධි අංශ ප්‍රකාශයක සඳහන් කර ඇත්තේ බුද්ධි අංශ තොරතුරු පිටවීමෙන් මේ වනවිට ඩොනල්ඩ් ට්‍රම්ප් රුසියානු උගුලකට හසුව සිටින බවයි.

පසුගිය ජනාධිපතිවරණ සමයේදී රිපබ්ලිකන් පක්ෂයේ අපේක්ෂක ඩොනල්ඩ් ට්‍රම්ප්ට පක්ෂග්‍රාහී වන ආකාරයට රිපබ්ලිකන් පක්ෂයේ පරිගණක දත්ත සොරාගෙන එළිදක්වමින් රුසියාව සෘජුවම ඇමෙරිකානු ජනාධිපතිවරණයට මැදිහත් වූ බවට දිගින් දිගටම චෝදනා එල්ල වෙමින් ඇති අතර එම තත්වය ඇමෙරිකාව තුළ කිසියම් කැළඹීමක් ඇති කිරීමට සමත්ව තිබේ.

ජනාධිපතිවරණය තුළදී රුසියානු මැදිහත් වීමක් සිදුවූ බවට එල්ල වන චෝදනා ප්‍රතික්ෂේප කරනු ලැබුවත් පසුගිය දිනෙක ට්‍රම්ප් විසින් රුසියාව ඇමරිකාවේ ඩිමොක්‍රටික් පක්ෂ ජාතික කමිටුවේ විද්‍යුත් ලිපිනවලට සහ පරිගණකවලට අනවසරයෙන් පිවිස දත්ත වෙනස් කළ බව පිළිගෙන තිබේ. 

Read more...

ඇමෙරිකා එක්සත් ජනපදය දෙබිඩි පිළිවෙතක් තුළ හිදිමින්  එක චීනයක් යන ස්ථාවරය කඩ කළහොත් ඊට එරෙහිව චීනයද එකට එක කිරීමට පියවර ගනු ඇතැයි චීන ග්ලෝබල් ටයිම්ස් පුවත්පත වාර්තා කරයි.

මෙතෙක් තායිවානය සම්බන්ධයෙන් චීනය සමග පැවැති එකඟතාවයන් කඩ කර කටයුතු කිරීමට වත්මන් ඇමෙරිකානු ජනාධිපතිවරයා කටයුතු කිරීමට සූදානම් බවට චීනය විසින් චෝදනා එල්ල කරන අතර  තායිවාන් ජනාධිපතිනිය මධ්‍යම ඇමෙරිකාවේ සංචාරයක නිරත වන අතරතුරදී චීනය මෙම ප්‍රකාශය නිකුත් කර තිබේ.

ඇමෙරිකාවේ සංචාරය අතරතුරදී තායිවාන් ජනාධිපතිනිය හූස්ටන් නගරයේදී රිපබ්ලිකන් පක්ෂයේ නීථි විශාරදයින් මුණගැසී ඇති අතර ටෙක්සාස් ප්‍රාන්තයේ ආණ්ඩුකාර ග්‍රේග් ඇබට් සමග සාකච්ඡාවක නිරත වී ඇති බවද පැවසේ.

වත්මන තායිවාන ජනාධිපතිනිය දැඩි ලෙස චීන විරෝධී ස්ථාවරයක සිට කටයුතු කරමින් සිටින අතර චීන ග්ලෝබල් ටයිම්ස් පුවත්පත වැඩි දුරටත් සඳහන් කර ඇත්තේ එක චීනයක් යන ප්‍රතිපත්තිය ඇමෙරිකාව මත හෙළන ලද හිතුවක්කාරී ඉල්ලීමක් නොව ආසියා - පැසිෆික් කලාපයේ දැනට පැවතෙමින් එන ක්‍රියා පටිපාටිය ආරක්ෂා කර ගැනීමේ යුක්ති සහගත ඉල්ලීමක් වන බවයි. ඇමෙරිකාව හා චීනය අතර සබඳතා ශක්තිමත්ව පවත්වා ගැනීම එම ප්‍රතිපත්තිය හා බැඳී පවතින බවයි.

Image result for china & usa

Read more...

දැඩි හිම පතනයක් සහිත අධික ශීත කාළගුණ තත්වයක් යටතේ මොස්කව් නුවර පාපැදිකරුවන් පිරිසක් පාපැදි සවාරියක් පවත්වා තිබේ.

උෂ්ණත්වය සෙල්සියස් අංශක සෘණ  27ක් දක්වා පහළ ගොස් තිබියදී මෙම පාපැදි සවාරිය පැවැත්වීම පිළිබඳව අනතුරු අඟවා තිබියදී අධික ශීතලේ වුවද පාපැදි සවාරිය පැවැත්වීමට තරම් පාපැදිකරුවන් නිර්භීත වී තිබීම විශේෂත්වයකි. 

පාපැදි සවාරිය මොස්කව් නුවර මොස්කව් නදිය හා ක්‍රෙම්ලීන් මන්දිරය පසු කරමින් කිලෝමීටර් 15ක දුරක් ගමන් කර සාර්ථකව අවසන් කිරීමට සමත්ව තිබේ. 

Participants of the Winter bicycle parade in Moscow. — AFP pic

Read more...

දකුණු තායිලන්තයට නොනවත්වා ඇද හැළෙන අධික වර්ෂාවත් සමග මේ වනවිට දැඩි ගංවතුර තත්වයකට මුහුණ දී ඇති බව විදෙස් මාධ්‍ය වාර්තා කරයි.

ගංවතුර හේතුවෙන් මේ වනවිට පුද්ගල මරණ 21ක් වාර්තා වී ඇති අතර දශලක්ෂයකට අධික පිරිසක් අවතැන් වී සිටින බව පැවසේ. දකුණු දිග තායිලන්තයේ සංචාරක ප්‍රදේශ වන සාමුයී සහ පැන්ගන් යන දූපත් දෙක ගංවතුරින් යටව ඇති බව පැවසෙන අතර විදෙස් සංචාරකයින් දහස් ගණනක් ගංවතුරට කොටුවී සිටින බව වාර්තා වේ.

සංචාරක කර්මාන්තයට ගංවතුරින් දැඩි හානි සිදුවී ඇති අතර දකුණු තායිලන්තයේ කෘෂිකාර්මික භූමි ප්‍රදේශ විශාල ප්‍රමාණයක් ගංවතුරට ලක්ව විනාශ වී ඇති බව පැවසේ.Related image

Read more...

Advertisement

Image may contain: text

Facebook

Ad

...