Lankatruth

A+ A A-

විදෙස් පුවත්

ටැන්සානියාවේ ඊසානදිග ප්‍රදේශයට බලපෑ රික්ටර් පරිමාණ 5.7ක භූ කම්පනයක් හේතුවෙන් පුද්ගලයන් 10 දෙනෙකු ජීවිතක්ෂයට පත්ව තවත් 130 කට ආසන්න පිරිසක් තුවාල ලබා ඇති බවද විදෙස් වාර්තා පවසයි.

බටහිර වික්ටෝරියා වෙරළට ආසන්න බුකෝබා නගරයේ සිට කිලෝමීටර් 44ක් දුරින්, කිලෝ මීටර් 10ක් පොළොව අභ්‍යන්තරයේ භූ කම්පනයේ අපිකේන්ද්‍රය පිහිටා තිබී ඇති බව ඇමෙරිකානු භූ විද්‍යා සමීක්ෂණ ආයතනය පවසන්නේ යැයි විදෙස් මාධ්‍ය වාර්තා කරයි. 

භූ කම්පනයත් සමග ඇති වූ කම්පන තරංග උගන්ඩාවට මෙන්ම කෙන්යාවටද දැනී ඇති බවත් ගොඩනැගිලි රැසකට අලාභානි සිදුව ඇති බවත් විදෙස් මාධ්‍ය වැඩිදුරටත් වාර්තා කරයි.

Image shows men next to rubble caused by earthquake in Tanzania on 10 September 2016Boy injured in Tanzania earthquake lies in hospital bed on 10 September 2016Earthquakes are fairly common in the Great Lakes region but are almost always of low intensityImage result for Tanzania earthquake kills 13 and injures more than 200Image result for Tanzania earthquake kills 13 and injures more than 200

Read more...

පිලිපීන ජනාධිපතිවරයා ඇමෙරිකානු ජනාධිපති බැරැක් ඔබාම ගණිකාවකගේ පුතෙකු බවට හඳුන්වමින් සිදුකළ ප්‍රකාශයක් හේතුවෙන් පිලිපීන ජනාධිපතිවරයා සමග පැවැත්වීමට තිබූ සාකච්ඡාව අවලංගු කරන බව ධවල මන්ධිරය ප්‍රකාශ කර තිබේ.

පිලිපීන ජනාධිපතිවරයා හා ඔබාමා අතර මෙම හමුව සිදු වීමට නියමිතව තිබුණේ ලාඕසයේ පැවැත්වෙන ආසියාන් සමුළුවට සමගාමීව බව පැවසේ. කෙසේ වෙතත් පිලිපීන ජනාධිපතිවරයාගේ මෙම ප්‍රකාශය සිදු කිරීමට ආසන්න හේතුව මෙතෙක් වාර්තා වී නොමැත.

රොද්‍රිගෝ ඩුටරේට් මීට මාස දෙකකට පෙර පැවැති ජනාධිපතිවරණයෙන් පිලිපීන ජනාධිපතිවරයා බවට පත් වූ අතර ඔහු මත්ද්‍රව්‍ය ජාවාරම්කරුවන්ට එරෙහිව ආරම්භ කර ඇති මෙහෙයුම්වලදී මේ දක්වා පුද්ගලයින් 2400කට වැඩි පිරිසක් ජීවිතක්ෂයට පත්ව ඇති බව වාර්තා වේ.

දකුණු චීන මුහුදේ ආන්දෝලනාත්ම  දූපත් අයිතිය සම්බන්ධයෙන් මේ වනවිට පිලිපීනය හා චීනය අතර මතභේදාත්මක තත්වයක් මතුව ඇති අතර චීනය චෝදනා කරන්නේ පිලිපීනය පිටුපස ඇමෙරිකාව ක්‍රියාත්මක වන බවයි. එසේ තිබියදී පිලිපීන ජනාධිපතිවරයාගේ මෙම ප්‍රකාශය දැඩි ආන්දෝලනයක් මතු කිරීමට සමත් ව තිබේ.Image result for Philippine President

Read more...

ජී - 20 සමුළුවට සහභාගී වීම සඳහා චීනයට පැමිණ සිටින ඇමෙරිකානු ජනාධිපති බැරක් ඔබාමාට රාජ්‍යතාන්ත්‍රික වශයෙන් අඩු සැලකිල්ලක් යොමු කර ඇති බවට විදෙස් මාධ්‍ය වාර්තා කරනු ලබයි.

ජී - 20 සමුළුවට සහභාගී වීම සඳහා චීනයට පැමිණි නරේනද්‍ර මෝදි, ව්ලැඩිමීර් පූටින්, පාක් ගුයින් හායිමයිකල් ටෙමරි හා තෙරේසා මේ යන රාජ්‍ය නායකයින් පිළිගනු ලැබුවේ විශේෂ රතුපලස් මතින් වුවත් ඔබාමා හට එවැනි පිළිගැනීමක් ලබා දී නොමැති බව පැවසේ.

ඇමෙරිකානු ජනාධිපති බැරැක් ඔබාමා චීනයේ හැන්ජෝ ගුවන් තොටුපලට ගොඩබසින අවස්ථාවේ එය ආවරණය කිරීමට පැමිණි ඇමෙරිකානු මාධ්‍යවේදිනයක් හා චීන ආරක්ෂක නිලධාරියෙක් අතර සිදුවූ උණුසුම් වචන හුවමාරුවක්ද සිදු වී තිබේ. මාධ්‍යවේදිනය ගුවන් යානය ආසන්නයට යාමට උත්සාහ කළත් ආරක්ෂක නිලධාරියා එයට අවස්ථාව ලබා නොදුන් අතර එහිදී මාධ්‍යවේදිනය ප්‍රකාශ කරන්නේ මේ අපේ ගුවන්යානයක්, අපේ රටේ නායකයා යනුවෙනි. එහිදී චීන ආරක්ෂක නිලධාරියා පෙරළා පවසන්නේ ඇමෙරිකානු ජනාධිපති වුවත් මේ අපේ රට, මේ අපේ ගුවන්තොටුපළ ලෙසයි. 

මෙම සංවාදය විදෙස් මාධ්‍ය මගින් ප්‍රබල ලෙස ප්‍රචාරය කරනු ලැබූ අතර චීනය මේ ආකාරයට ලොව බලවත්ම රාජ්‍ය නායකයා සාමාන්‍ය ආකාරයෙන් පිළිගැනීම අහම්භීය සිද්ධියක් නොව තම බලය ඇමෙරිකාව හමුවේ ප්‍රදර්ශනය කිරීමක් බවත් චීනයට ඇමෙරිකානු ජනාධිපති තවත් එක් රාජ්‍ය නායකයකු පමණක් බවත් ඇඟවීම ගත් උත්සායක් යැයි මෙක්සිකානු හිටපු චීන තානාපතිවරයකු වන ජොර්ජ් ගුඅජාර්ඩෝ  ගාඩියන් වෙබ් අඩවියට ප්‍රකාශ කර තිබේ.Image result for obama came china g- 20

Read more...

වසර 50ක කාලයකට පසුව ඇමෙරිකානු මගී ගුවන් යානයක් පසුගිය සෙනසුරාදා කියුබාවේ හවානා ගුවන් තොටුපලට ගොඩබැස ඇති බව වාර්තා වේ.

බ්ලූ ජෙට් සමාගමට අයත් මෙම මගී ගුවන් යානය ෆ්ලොරීඩාහි ෆෝට් ලෝඩර්ඩෙල් ගුවන් තොටුපලේ සිට ඇමෙරිකානු ප්‍රවාහන අමාත්‍යංශයේ ලේකම් ඇන්තනී ෆොක්ස් හා තවත් මගීන් 150 දෙනෙකු රැගෙන කියුබාව වෙත පැමිණ තිබේ. 

වසර 50කට ආසන්න කාලයක් දෙරට අතර නවතා තිබූ තානාපති සබඳතා පසුගිය වසරේ දෙසැම්බර් මස ඇමෙරිකානු ජනපති බැරැක් ඔබාමා කියුබාවේ කළ සංචාරයත් සමග නැවත ආරම්භ කිරීමට කටයුතු කර ඇති අතර කියුබාව වෙත පනවා තිබෙන සම්බාධක ඉවත් කිරීමට සූදානම් බව ජනාධිපති බැරැක් ඔබාමා ප්‍රකාශ කර තිබේ. එහෙත් සත්‍යවශයෙන්ම මේ වනතුරු ඇමෙරිකාව කියුබාවට එරෙහිව පනවා තිබෙන ජාත්‍යන්තර සම්බාධක සියල්ල ඉවත් කිරීමට කටයුතු කර නොමැති බව වාර්තා වේ.Image result for jetblue flights came to cubaImage result for jetblue flights came to cubaImage result for jetblue flights came to cuba

Read more...

ඇෆ්ගනිස්ථානයේ කන්දහාර් ප්‍රාන්තයේ  කාබුල් නුවරදී ඉන්ධන ප්‍රවාහනය කරන බවුසරයක් හා මගී ප්‍රවාහන බස්රථයක් එකිනෙක ගැටීමෙන් බස්රථයේ ගමන් ගත් 38 දෙනෙකු පිලිස්සී මියගොස් ඇති බව වාර්තා වේ.

ඉන්ධන බවුසරය බස් රථයේ ගැටීමත් සමග ගිනිගෙන පුපුරා ගොස් ඇති අතර බස්රථයද ගින්නට හසුව තිබේ. මිය ගිය අයගෙන් බහුතරයකගේ සිරුරු හඳුනාගත නොහැකි ආකාරයෙන් දැඩිලෙස පිලිස්සී ඇති අතර අනතුරින් තුවාල ලැබූවන් ගණන 28ක් බව පැවසේ.

බස්රථය කන්දහාර් සිට කාබුල් දක්වා ගමන් කරමින් තිබියදි මෙම අනතුර සිදුව ඇත්තේ තලේබාන් ත්‍රස්තවාදීන්ට එරෙහිව ප්‍රහාර එල්ල කරන ප්‍රදේශයකදී බව පැවසේ.

Read more...

පසුගිය මාසයේදී විශාල ප්‍රසිද්ධියක් ලබා දෙමින් චීනයේ හුනාන් ප්‍රාන්තයේ ඉදිකළ වීදුර පතුලක් සහිත ලොව දිගම පාලම තාවකාලිකව වසා දැමීමට එරට බලධාරීන් තීරණය කර තිබේ.

සංචාරකයින්ගේ දැවැන්ත ආකර්ෂණයක් යොමුවීමත් සමග පාලම නැරඹීමට විශාල පිරිසක් පැමිණීමත් සමග පාලම බර දරා ගැනීමේ නොහැකි තත්වයක් මත මෙම තීරණය ගෙන ඇති බව පැවසේ. හුනාන් පළාතේ සන්ජියෙජි සානුව හරහා මීටර් 300ක් පමණ ඉහළින් මීටර් 400කට වාඩා වැඩි දිගකින් මෙම පාලම ඉදිකර තිබේ.

සංචාරකයින්ට පාලම මතින් ගමන් කිරීමේදී විශ්වාසය තහවුරු කිරීම සඳහා පාලමේ නිර්මාණකරුවන් විවිධ පරීක්ෂණ හරහා ශක්තිමත් බව පෙන්වීමට කටයුතු කළේය. එක්වරකට 800කට පාලම හරහා ගමන් කිරීමට හැකියාව තිබුණත් එම ප්‍රමාණය ඉක්මවා පිරිස පාලම මතින් ගමන් කිරීමෙන් මෙලෙස අවදානමකට ලක්ව තිබේ.

පාලම වසා දැමීමෙන් අනතුරුව එහි අත්‍යවශ්‍ය නඩත්තු කටයුතු ආරම්භකර සති දෙකකින් පමණ නැවත විවෘත කරන බව බලධාරීන් ප්‍රකාශ කර තිබේ.Image result for වීදුරු පාලම චීනයේImage result for වීදුරු පාලම චීනයේImage result for වීදුරු පාලම චීනයේImage result for වීදුරු පාලම චීනයේ

Read more...

ලෝක අභියෝගතා ජයගැනීමේදී ඉන්දියාව ඉටු කරමින් සිටින කාර්යභාරය ඉතා වැදගත් වී ඇති බවත්  ඉන්දියානු - ඇමෙරිකානු ආරක්ෂක සබඳතාව මුළු ලොවටම ආදර්ශයක් වී ඇති බවත්  ඉන්දියාවේ සංචාරයක නිරත වී සිටින ඇමෙරිකානු රාජ්‍ය ලේකම් ජෝන් කෙරී නවදිල්ලියේ ජාතික තාක්ෂණ ආයතනයේදී පවසා තිබේ.

එහිදී වැඩිදුරටත් අදහස් දක්වමින් ජෝන් කෙරී ප්‍රකාශ කර ඇත්තේ තම රටේ විදේශ ප්‍රතිපත්තියේ මූලික වී ඇත්තේ ලෝක සාමය බවත් ඉන්දියාව තුළ නැගී එමින් තිබෙන අන්තවාදය , ත්‍රස්තවාදය හා දිළිඳුකමට එරෙහිව කර අරගලයේදී තීරණාත්මක වැඩකොටසක් සිදුකරමින් සිටින බවය. මෙම ශතවර්ශය තුළදී මුහුණ දෙන අභයෝග පසුගිය ශතවර්ෂයේදී මුහුණ දුන් අභියෝගවලට වඩා වෙනස් වන අතර නැගෙනහිර බටහිර ලෙසත් උතුර දකුණ ලෙසත් බෙදී ඇති බෙදීම් හීන වෙමින් යන තත්වයක් තුළ තම දේශසීමාවට කොටුව ක්‍රියා කළ නොහැකි තත්වයක් උදා වී ඇති බවය.

එවැනි ලෝක තත්වයක් තුළ රාජ්‍යයකට සීමා නොවන ප්‍රහාරකයන් හට මුහුණ දීමට සිදු ව ඇති බැවින් දෙරට අතර මෑතකදී යුදමය කටයුතු හුවමාරු කර ගැනීම වෙනුවෙන් අත්සන් කළ ගිවිසුමද වැදගත් වන බවත් ආසියාවේ බලවතුන් වන ඉන්දියාව හා ජපානය සමග වැඩි බැඳීමකින් කටයුතු කිරීම ඇමෙරිකාවේ බලාපොරොත්තුව බවත් ප්‍රකාශ කර තිබේ.

මාධ්‍යවේදීන් නැගූ ප්‍රශ්නයකට පිළිතුරු දෙමින් ජෝන් කෙරී ප්‍රකාශ කර ඇත්තේ උතුරු කොරියානු න්‍යෂ්ටික ක්‍රියාකාරකම් සම්බන්ධයෙන් තීරණයක් ගැනීමට දැන් කාලය එළඹ ඇති බවයි. මේ වනවිට ඇමෙරිකාවේ සැලසුම් වැඩි වේගයකින් ආසියාව දෙසට යොමු කර ඇති අතර ඇමෙරිකාවට අභියෝග කරමින් නැගී එන චීන බලයට අභියෝග කිරීමට වඩා වැඩියෙන් ඉන්දියාව තුළ තම සැලසුම් ක්‍රියාත්මක කිරීම අරඹා තිබේ. ලෝක සාමය මත විදෙස් ප්‍රතිපත්තිය කියා ගනිමින් ඇමෙරිකාව ලෝකය තුළ බරපතළ යුද්ධ රැසක් ඇති කර පවාත්වගෙන යමින් සිටින යථාර්තයක ආසියාවටද මෙලෙස මැදිහත් වන්නේ රටවල් අතර අභ්‍යන්තර ගැටුම් ඇතිකර තම අරමුණු ඉටුකරගැනීමට බව දේශපාලන විශ්ලේෂකයෝ පවසති. Image result for ජෝන් කෙරී

 

 

Read more...

ඇමෙරිකාවේ ස්පේස් - එක්ස් අභ්‍යාවකාශ සමාගමට අයත් රොකට්ටුවක් පෙරහුරුවකට ඊයේ (01) දිනයේදී යොදා ගනිමින් තිබූ අවස්ථාවකදී එය පුපුරා සම්පූර්ණයෙන්ම විනාශයට පත්ව ඇති අතර ඒ ආසන්නයේ තිබූ ෆේස් බුක් සමාගමට අයත් ගුවන්ගත කිරීමට සූදානම් කර තිබූ චන්ද්‍රිකාවක්ද සම්පූර්ණයෙන්ම විනාශයට පත්ව තිබේ.

මෙම පුපුරා යෑම සිදුව ඇත්තේ ෆ්ලොරීඩා ප්‍රාන්තයේ කැනවරල් තුඩුවේ පිහිටි ස්පේස් - එක්ස් අභ්‍යාවකාශ සමාගට අයත්  අභ්‍යාවකාශ මධ්‍යස්ථානයේදීය. දැවැන්ත පිපිරීමත් සමගම විශාල ගිනිජාලාවක් ඇතිවූ අතර සිද්ධියෙන් කිසිවෙකුටත් ජීවිත හානියක් සිදු නොවූ බවට විදෙස් මාධ්‍ය වාර්තා කරයි. පිපිරීමෙන් කිලෝමීටර් කිහිපයක් දුරින් පිහිටි ගොඩනැගිලි පවා සෙලවීමට ලක්ව තිබේ.

එළඹෙන සඳුදා මෙම රොකට්ටුව මගින් ෆේස් බුක් සමාගම ආමෝස් -6 නැමති චන්ද්‍රිකාවක්  ගුවන් ගත කිරීමට සූදානම් කර තිබූ බව පැවසෙන අතර එම චන්ද්‍රිකාවෙන් අප්‍රිකානු කලාපයේ රටවලට අන්තර්ජාල පහසුකම් ලබා දීමට සැලසුම් කර තිබී ඇත. චන්ද්‍රිකාව විනාශ වීමත් සමග ෆේස් බුක් නිර්මාතෘ මාර්ක් සකර්බර්ග් සිය කණගාටුව පළකරමින් සිය ෆේස් බුක් ගිණුමේ සටහනක්ද යොදා තිබේ.Image result for SpaceX - Static Fire Anomaly - AMOS-6 - 09-01-2016Image result for SpaceX - Static Fire Anomaly - AMOS-6 - 09-01-2016Image result for SpaceX - Static Fire Anomaly - AMOS-6 - 09-01-2016

Read more...

විද්‍යාඥයින් විසින් සොයාගෙන ඇති පැරණිම පොසිලය පසුගිය දා ග්‍රීන්ලන්තයේදී සොයාගෙන තිබේ. පෘතුවියේ ජීවය පැවති බවට වන පැරණිම සාක්ෂිය මෙය වන බවත් මෙය වසර කෝටි 370ක් පැරණි පොසිලයක් බවත් එම විද්‍යාඥයින් පවසායි. වැඩි විස්තර goo.gl/SIwtWL

Read more...

Image result for dilma rousseffබ්‍රසීල ජනාධිපතිනි ඩිල්මා රූසෙෆ් ධූරයෙන් ඉවත් කිරීම සඳහා එරට සෙනෙට් මණ්ලයේ බහුතරයක් අනුමැතිය ලබා දී ඇති අතර ඒ අනුව ඇයට ජනාධිපති ධූරය අහිමි වී යනු ඇති බව වාර්තා වේ.

මීට මාස කිහිපයකට ඉහතදී  ජනාධිපතිනියට එරෙහිව බලය අයුතු ලෙස භාවිතා කළ බවට චෝදනා කරමින් විශ්වාස භංගයක් ගෙන ඒමට අණ්ඩුව කටයුතු කරනු ලැබූ අතර එතැන් සිට මේ දක්වා ජනාධිපති ධූරයේ කටයුතු වැඩබලන ජනාධිපතිවරයකු යටතට පත්විය.

සෙනෙට් මණ්ඩලයේ අනුමැතියත් සමග ජනාධිපතිය ධූරයෙන් ඉවත්ව යෑමෙන් පසුව මිචෙල් ටර්මර් බ්‍රසීල ජනාධිපති ලෙස දිවුරුම් දීමට නියමිත බව වාර්තා වේ. දශක ගණනාවක් පුරා අධිරාජ්‍යවාදයට එරෙහිව කටයුතු කරමින් වාමාංශික නැඹුරුවක් සහිතව ක්‍රියාත්මක වූ බ්‍රසීල පාලනය පෙරළා දැමීමට විශ්වාස භංගය තුළින් කටයුතු කර තිබේ. ඩිල්මා රූසෙෆ් පාලනය බ්‍රසීලයේ දිළිඳු ජනතාව ඉන් මුදවා ගැනීම වෙනුවෙන් ඔවුන් ඉල්ක්ක කර ගනිමින් විශේෂ වැඩපිළිවෙලක් ක්‍රියාත්මක කළ අතර ඊට දක්ෂිණාංෂික හා මධ්‍යම පංතියේ විරෝධය එල්ල විය.

පසුගිය ජනාධිපතිවරණයෙන් ජනතාවගේ බහුතර කැමත්ත දිනා ගැනීමට සමත් වූ ඩිල්මා රූසෙෆ් දෙවන වරටත් බ්‍රසීල ජනාධිපතිවරිය ලෙස තේරී පත් වීමෙන් අනතුරව මේ ආකාරයට විශ්වාසභංගයක් මගින් ඉවත් කිරීමට කටයුතු කර තිබේ

Read more...

Advertisement

Facebook

Ad

...